ព័ត៌មានជាតិ ពិធីបើកសង្រ្កាន្តឆ្នាំថ្មីប្រពៃណីជាតិខ្មែរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ រដ្ឋបាលស្រុកប្រាសាទសំបូរ បានរៀបចំពិធីបើកសង្រ្កាន្តឆ្នាំថ្មីយ៉ាងអធិកអធម ដើម្បីស្វាគមន៍ឆ្នាំថ្មី និងផ្តល់ឱកាសឲ្យប្រជាពលរដ្ឋបានចូលរួមកម្សាន្តសប្បាយក្នុងបរិយាកាសសាមគ្គី និងកក់ក្តៅ។ ពិធីបើកនេះបានប្រព្រឹត្តទៅក្រោមវត្តមានថ្នាក់ដឹកនាំស្រុក មន្ត្រីរាជការ កងកម្លាំងប្រដាប់អាវុធ សិស្សានុសិស្ស និងប្រជាពលរដ្ឋយ៉ាងច្រើនកុះករ។ ពិធីបើកសង្រ្កាន្តនេះ មិនត្រឹមតែជាការចាប់ផ្តើមកម្មវិធីអបអរសាទរឆ្នាំថ្មីប៉ុណ្ណោះទេ ប៉ុន្តែថែមទាំងជាវេទិកាសំខាន់មួយក្នុងការលើកតម្កើងអត្តសញ្ញាណជាតិ និងបង្កើនសាមគ្គីភាពរវាងអាជ្ញាធរ និងប្រជាពលរដ្ឋ ចូលរួមជំរុញស្មារតីស្នេហាជាតិ និងការរួមគ្នាអភិវឌ្ឍន៍មូលដ្ឋានឲ្យកាន់តែរីកចម្រើន។ APNTV April 13, 2026 Post navigation Previous: ឧត្តមសេនីយ៍ត្រី សៀ ទីន ជួបសំណេះសំណាល និងបើកឯកសណ្ឋានជូនដល់កម្លាំងកងអនុសេនាធំចល័ត និងសិក្ខាកាមជំនាន់ទី៤៧ ! សៀមរាប៖ នាថ្ងៃសៅរ៍ ទី១១ ខែមេសា ឆ្នាំ២០២៦ នៅទីបញ្ជាការដ្ឋានកងរាជអាវុធហត្ថខេត្ត លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានដឹកនាំលោកមេបញ្ជាការរង អញ្ជើញជួបសំណេះសំណាល និងបើកឯកសណ្ឋានប្រយុទ្ធទឹកប៊ិច ជូនកម្លាំងកងអនុសេនាធំចល័ត និងបើកឯកសណ្ឋានប្រតិបត្តិការ ជូនកម្លាំងសិក្ខាកាមជំនាន់ទី៤៧ ដែលជាអំណោយផ្ទាល់របស់លោកឧត្តមសេនីយ៍ត្រី មេបញ្ជាការ ជូនដល់កម្លាំងកងរាជអាវុធហត្ថសម្រាប់ប្រើប្រាស់ក្នុងពេលបំពេញការងារ។ ក្នុងឱកាសនោះ លោកឧត្តមសេនីយ៍ត្រី មេបញ្ជាការ ជូនពរដល់ កម្លាំងកងអនុសេនាធំចល័ត និងកម្លាំងសិក្ខាកាមជំនាន់ទី៤៧ ទាំងអស់នាឱកាសពិធីបុណ្យចូលឆ្នាំថ្មី សូមឲ្យមានសុខភាពល្អ ជួបប្រទះតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។Next: អាជ្ញាធរជាតិដោះស្រាយវិវាទក្រៅប្រព័ន្ធតុលាការ និងរដ្ឋបាលខេត្តកោះកុង នៅថ្ងៃទី១៣ ខែមេសាឆ្នាំ២០២៦នេះ បានចុះហត្ថលេខាលើអនុស្សរណៈ នៃការយោគយល់គ្នា ស្តីពីកិច្ចសហប្រតិបត្តិការក្នុងការសម្រុះសម្រួលផ្សះផ្សាវិវាទ។