ភ្នំពេញ៖ នារសៀលថ្ងៃទី៣០ ខែកក្កដា ឆ្នាំ២០២៦ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានអញ្ជើញចុះពិនិត្យវឌ្ឍនភាពនៃការសាងសង់អគារថ្មីរបស់អគ្គស្នងការដ្ឋាននគរបាលជាតិ ក្រសួងមហាផ្ទៃ ដែលមានទីតាំងស្ថិតនៅភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ការចុះពិនិត្យនេះ ធ្វើឡើងក្នុងគោលបំណងតាមដានវឌ្ឍនភាពនៃការអនុវត្តគម្រោងសាងសង់ ដើម្បីធានាឱ្យការងារប្រព្រឹត្តទៅតាមផែនការដែលបានកំណត់ ព្រមទាំងមានគុណភាព សុវត្ថិភាព និងប្រសិទ្ធភាពខ្ពស់ សំដៅលើកកម្ពស់ហេដ្ឋារចនាសម្ព័ន្ធរបស់កងកម្លាំងនគរបាលជាតិ ឱ្យកាន់តែទំនើប និងឆ្លើយតបតាមតម្រូវការការងាររក្សាសន្តិសុខ សណ្ដាប់ធ្នាប់សាធារណៈ និងការបម្រើប្រជាពលរដ្ឋប្រកបដោយប្រសិទ្ធភាព។
